Sunday Times Books LIVE Community Sign up

Login to Sunday Times Books LIVE

Forgotten password?

Forgotten your password?

Enter your username or email address and we'll send you reset instructions

Sunday Times Books LIVE

Zebra

@ Sunday Times Books LIVE

Kobus Galloway se tekenprente in sy boek Idees vol vrees versamel

Idees vol vreesKobus Galloway se Idees vol vrees-tekenprente het Suid-Afrika binne maande na hul eerste verskyning stormenderhand verower. Dié ongewone, spitsvondige en grappige Afrikaanse teken-prente gaan gewoonlik gepaard met dubbelsinnige eenreël-woordspelings en is enig in hul soort. Die reeks het baie gou ingang gevind: net 100 dae nadat Galloway ’n Facebook-blad begin het om sy tekenprente bekend te stel, het hy reeds byna 25 000 bewonderaars gehad. Idees vol vrees word op dosyne webwerwe oral op die internet genoem en verskyn ook in Huisgenoot en ander publikasies.

Hierdie versameling bevat meer as 150 tekenprente, waaronder die gewildstes (dié waarvan Facebook-gebruikers die meeste hou) en meer as 50 nuwe tekenprente wat nog nêrens anders verskyn het nie. Dit is ’n moet-hê vir die tienduisende bestaande bewonderaars, en sal ongetwyfeld ’n hele klomp nuwes skep.

Oor die outeur

Kobus Galloway het op sesjarige ouderdom begin teken, en toe hy net agt jaar oud was, is sy werk in die Taiwannese ambassade uitgestal. Hy het ná skool grafiese ontwerp gestudeer en woon nou in Kaapstad, waar hy as ’n illustreerder en infografiese ontwerper vir Huisgenoot, You, Drum, Tempo, Pols en ander publikasies werk. In sy vrye tyd is Kobus ’n skerpskertser en vryskutontwerper/illustreerder. Hy is die eienaar van Komedie Media CC en het reeds met plaaslike kunstenaars soos Marion Holm, Pierre Breytenbach en Casper de Vries saamgewerk.

Boekbesonderhede

 

Please register or log in to comment